«Համայնքային զարգացում» ՀԿ-ն գերմանական «Հաց աշխարհին» կազմակերպության հետ համագործակցությամբ մեկնարկել է եռամսյա աշխատանքային պրակտիկա ծրագիրը, որը նախատեսված է 21-35 տարեկան ակտիվ և նպատակասլաց երիտասարդների համար։
Ծրագրի հիմքում «learning by doing»՝ «սովորել գործելով» մեթոդն է։ Այս մոտեցման շնորհիվ մասնակիցները, ստանալով տեսական գիտելիքներ, անմիջականորեն մասնակցում են իրական նախագծերի պլանավորմանը և իրականացմանը։ Մեթոդը նպաստում է նախաձեռնողականության, ստեղծարար մտածողության և թիմային աշխատանքի հմտությունների ձևավորմանը և զարգացմանը։
Պրակտիկայի ընթացքում մեծ ուշադրություն է դարձվում ժամանակակից աշխատաշուկայում պահանջված հմտությունների զարգացմանը, մասնավորապես՝
արդյունավետ հաղորդակցմանը՝ բանավոր և գրավոր ձևաչափերով,
անգլերենի գործնական կիրառությանը՝ գրավոր և բանավոր հաղորդակցության շրջանակում, մեդիագրագիտությանը և այլն։
Ծրագրի շրջանակում մասնակիցները կարողանում են բացահայտել իրենց հետաքրքրությունների շրջանակը, ստանալ ուղղորդում և ձեռք բերել այն փորձը, որը կենսական նշանակություն ունի ժամանակակից աշխատաշուկայում կայուն և վստահ քայլերով առաջ շարժվելու համար։
«Համայնքային զարգացում» ՀԿ-ն հավատում է, որ ուժեղ համայնքը ձևավորվում է ներգրավված, կրթված և գիտակից երիտասարդների շնորհիվ։ Այս նախաձեռնությունը ոչ միայն խթանում է անհատական աճը, այլև նոր որակ է բերում մարզի համայնքային կյանքին՝ ներգրավելով նորարար, սրտացավ և ակտիվ մասնակիցներ։
Պատասխանել