Ավարտվեց ևս մեկ դասընթաց՝ հագեցած նոր գիտելիքներով և հմտություններով։
«Համայնքային զարգացում» ՀԿ-ն Գերմանական միջազգային համագործակցության (ԳՄՀԸ) աջակցությամբ Ջերմուկի համայնքային կենտրոնում կազմակերպել էր մաքրամեի և ասեղնագործության երկամսյա դասընթացներ, որին մասնակցում էին Արցախից բռնի տեղահանված և տեղացի կանայք։ Ծրագրի ընթացքում վերջիններս ապահովվել են անհրաժեշտ աշխատանքային պարագաներով, զինվել նոր և արժեքավոր գիտելիքներով, զարգացրել մասնագիտական հմտությունները։
Ամփոփմանը մասնակիցները կիսվեցին իրենց տպավորություններով, ստացան ավարտական վկայականներ ՝ ակնկալիք հայտնելով մասնակցելու առաջիկայում կազմակերպվող դասընթացներին ևս։
«Համայնքային զարգացում» ՀԿ-ն լիահույս է, որ ձեռք բերված գիտելիքները կկիրառվեն արդյունավետ՝ հիմք դնելով նոր նվաճումների և ձեռքբերումների։
Պատասխանել