Երկօրյա հանդիպման ընթացքում քննարկվեցին նաև հետպատերազմական իրավիճակում հասարակությունում անհատական մակարդակում առաջացած խնդիրները, ճգնաժամի ախտորոշումը, մարտահրավերների կարևորումն ու դասկարգումը, հնարավոր լուծումների որոնումը, ինչպես նաև հակահամաճարակային կանոնների պահպանման և հանրային իրազեկության բարձրացման կարևորությունը։

Հանդիպում-քննարկումը վարեց «Սյունիք-Զարգացում» ՀԿ-ի անկախ փորձագետ Դոկտոր Հարություն Հարությունյանը:

Հատկանշական է, որ հանդիպմանը մասնակցեցին նաև պատերազմի մասնակից զինծառայողներ, պատերազմի ընթացքում բեկորային վնասվածքի պատճառով կարճատև արձակուրդում գտնվող ժամկետային զինծառայող, ովքեր պատրաստ են ամեն կերպ օգնելու պատերազմի հետևանքով խոցելի դարձած ընտանիքներին։