Կլիմայի պաշտպանություն
Մեր նախաձեռնությունները Վայոց ձորի մարզում
Բնապահպանական ճգնաժամը համաշխարհային առաջնահերթություն է․ այն սպառնում է մեր ներկային ու ապագային և պահանջում է հրատապ ու համակարգված գործողություններ։ «Համայնքային զարգացում» ՀԿ-ն իր ծրագրերով նպաստում է կլիմայական ռիսկերի նվազեցմանը, շրջակա միջավայրի պահպանությանը և բնապահպանական կրթության տարածմանը Հայաստանում՝ մասնավորապես Վայոց ձորի մարզում։
Թվային պատկերը
- Կլիմայի փոփոխության հիմնական պատճառը ջերմոցային գազերն են, որոնցում CO₂-ի մակարդակը կազմում է 55.7%։
- CO₂-ի ընդհանուր արտանետումների 94.9%-ն Էներգետիկայի ոլորտից է, ինչը պայմանավորված է ջերմային էլեկտրակայաններից, ավտոմոբիլային տրանսպորտից և բնակարանային հատվածից արտանետումներով:
- Տնային տնտեսությունների էներգասպառման մեջ բնական գազը՝ 68.5%, իսկ գազը + էլեկտրաէներգիան՝ 89.2%։ Վերականգնվողների մասնաբաժինը դեռևս փոքր է։
Արտանետումների կրճատումը, էներգախնայողությունը և վերականգնվող էներգիայի կիրառումը միաժամանակ նվազեցնում են կլիմայական ռիսկերը, խնայում են ծախսերը և ստեղծում բնակչության համար առողջ միջավայր։
Հայաստանի միջազգային պարտավորությունները
Հայաստանը որդեգրել է ցածր արտանետումներով զարգացման (մինչև 2050 թ.) երկարաժամկետ ռազմավարությունը, վավերացրել է ՄԱԿ-ի Կլիմայի փոփոխության շրջանակային կոնվենցիան (1993 թ., մայիս) և Փարիզյան համաձայնագիրը (2017 թ., փետրվար)՝ միանալով կլիմայի փոփոխությանը դիմակայելու իրավաբանորեն պարտադիր գլոբալ պլանին։
Ինչ ենք անում մենք
«Համայնքային զարգացում» ՀԿ-ն պարբերաբար կազմակերպում է իրազեկման միջոցառումներ, սեմինարներ, աշխատանքային հանդիպումներ և բնապահպանական ճամբարներ՝ ձևավորելով ակտիվ երիտասարդական խմբեր Վայոց ձորի տարբեր համայնքներում (Եղեգնաձոր, Ջերմուկ, Թառաթումբ և այլն)։
Մեր մոտեցումը
Մեր ծրագրերի շնորհիվ ֆերմերները ոչ միայն ձեռք են բերում նոր գիտելիքներ ու հմտություններ, այլև համոզվում են, որ հնարավոր է միաժամանակ և՛ չվնասել բնությանը, և՛ ապահովել կայուն եկամուտ։
- Բնապահպանական կրթություն (ոչ ֆորմալ դասընթաց-քննարկումներ) ՝ ձևավորել գիտելիքներով ու հմտություններով զինված երիտասարդներ, որոնք հասկանում են բնապահպանական իրավունքի և կլիմայական արդարության հիմունքները։
- Դաշտային/գործնական աշխատանք՝ ներհամայնքային արշավներ, տեղում խնդիրների քարտեզագրում, անտառների և ջրային օբյեկտների դիտարկում։
- Գործողությունների պլանավորում և հմտությունների զարգացում՝ փոքր թիմերով լուծումների նախագծում և փորձնական նախաձեռնությունների իրականացում, տվյալների հավաքագրում և ներկայացում։
Մեր նպատակները
- Ձևավորել գիտելիքներով ու հմտություններով զինված, խնդրով մտահոգ և լուծումներ որոնող երիտասարդների խմբեր։
- Մշակել և մեկնարկել հստակ քայլեր՝ տեղական բնապահպանական խնդիրների (թափոնների տեսակավորում, ջրախնայողություն, կանաչ տարածքների պահպանում և այլն) լուծման համար։
- Ստեղծել ակտիվ նախաձեռնող խմբեր, որոնք կարող են դառնալ շարժիչ ուժ համայնքներում։
Կանաչ էներգիայի լուծումներ
Արևային կայաններ
Տարեցտարի արևային էներգիան դառնում է կայուն և անփոխարինելի գործիք։ Հավատարիմ մնալով որդեգրած արժեքներին՝ մենք
- Աջակցում ենք արևային կայանների՝ համայնքներում և գործընկեր կառույցներում տեղադրումը՝ նվազեցնելով CO₂-ի մակարդակը,
- խթանում ենք էներգաարդյունավետ տնտեսավարումը և ռեսուրսների խնայողությունը,
- ստեղծում ենք ցուցադրական օրինակներ, որոնք ոգեշնչում են այլ կառույցների անցում կատարել մաքուր էներգիայի։
Էներգախնայող մոտեցումներ
Քաջալերում ենք էներգիայի խելացի սպառումը, արդյունավետ սարքավորումների կիրառումը և շենքերի ջերմամեկուսացման բարելավումը՝ էներգիայի կորուստները նվազեցնելու համար։