Աշխատակազմ

Անի Սմբատյանն ավարտել է ՀՊՄՀ-ի ինֆորմատիկայի և տնտեսագիտության բաժինները՝ ստանալով տնտեսագիտության բակալավրի և ՏՏ ոլորտի մագիստրոսի աստիճան։ Նա ՀՊՏՀ-ի հայցորդ է՝ Ֆինանսներ, վարկ և դրամաշրջանառություն մասնագիտությամբ։

Անի Սմբատյանն աշխատել է «Գիտելիք» համալսարանում որպես դասախոս, իսկ ներկայում դասընթացավար է նաև «Արմաթ» ինժեներական լաբորատորիաներում։

Տաթև Հարությունյանը սոցիալական և համայնքային զարգացման ոլորտում ունի մեծ փորձ՝ ԱՄՆ-ում, Բելգիայում, Վրաստանում և այլ երկրներում բազմաթիվ միջազգային և տեղական վերապատրաստումների և կոնֆերանսների մասնակցության շնորհիվ: Նա ունի լեզվաբանության բակալավրի և տնտեսագետի մագիստրոսի աստիճան:
Ավարտել է Հայաստանի պետական տնտեսագիտական համալսարանը:

Լիլիթ Խաչատրյանն անգլերեն լեզվի մասնագետ է։ Նա աշխատել և համագործակցել է մի շարք միջազգային և տեղական կառույցների հետ՝ որպես մոնիթորինգի և գնահատման մասնագետ, ծրագրերի համակարգող ու ղեկավար, դասընթացավար, դասախոս և թարգմանիչ։ Լիլիթը մասնակցել է բազմաթիվ վերապատրաստումների՝ մասնագիտական և հասարակական ոլորտին առնչվող թեմաներով, տարբեր երկրներում։
Կազմակերպությանն է միացել 2023 թվականի սեպտեմբերից։

Նաիրա Մանասերյանը մասնագիտությամբ մանկավարժ է։ Սովորել է «Անգլերեն լեզու և գրականություն» ֆակուլտետում։ Ունի մագիստրոսի աստիճան։ Նաիրան մասնակցել է մի շարք վերապատրաստումների և դասընթացների Հայաստանում և Վրաստանում՝ այդ թվում Creativity in translation, Proposal writing թեմաներով:
Նաիրա Մանասերյանը ՀԿ-ին է միացել 2021 թվականից։

Կիմա Կիրակոսյանն ավարտել է ԵՊՀ-ի «Փիլիսոփայություն և հոգեբանություն» բաժինը։ Նա մասնակցել է մի շարք կամավորական նախաձեռնությունների, որոնք օգնել են նրան ձեռք բերել արժեքավոր փորձ և խորացնել իր գիտելիքները երիտասարդների հետ աշխատանքի ոլորտում։
Կիման կազմակերպությանը միացել է 2022 թվականին՝ մինչ այդ անցնելով աշխատանքային պրակտիկա «Համայնքային զարգացում» ՀԿ-ում։

Ռոզա Հարությունյանը սովորել է ՀՊՏՀ-ի Եղեգնաձորի մասնաճյուղում «Կառավարում» մասնագիտությամբ։
Դեռ 14 տարեկանից մասնակցել է կազմակերպության կողմից իրականացված մի շարք ծրագրերի և մարզում իրականացվող բազմաթիվ կամավորական աշխատանքների։
Ռոզա Հարությունյանը կազմակերպությանն է միացել 2021 թվականից։

Հայկուհի Գրիգորյանը սովորել և ավարտել է Ագրարային պետական համալսարանի տնտեսագիտական ֆակուտետի առևտուր և շուկայաբանություն բաժինը։ Հետագայում շարունակել է ուսումը Գերմանիայում՝ Վայհենշտեֆանի կիրառական գիտությունների համալսարանում մենենջմենտ բաժնում։
«Համայնքային զարգացում» ՀԿ-ին միացել է 2021 թվականի օգոստոսին։ Այժմ «Աջակցություն սահմանամերձ սոցիալապես խոցելի խմբերին և տեղահանվածներին» ծրագրի զբաղվածության գծով պատասխանատուն է։

Հասմիկ Հայրապետյանը սովորել և ավարտել է Երևանի պետական համալսարանի բանասիրության ֆակուլտետը։ «Համայնքային զարգացում» ՀԿ-ին միացել է 2024 թվականին՝ որպես կազմակերպության հասարակայնության հետ կապերի պատասխանատու։

Արտաշես Հակոբյանն ավարտել է Վալերի Բրյուսովի անվան պետական համալսարանի ֆրանսերենի բաժինը։ Նա նաև վերապատրաստվել է գրաֆիկ դիզայնի ոլորտում և սովորել է «WEB ծրագրավորում»՝ Microsoft Innovation Center Armenia-ում։
Արտաշեսը մասնակցել է տարբեր կամավորական նախաձեռնությունների և հանդիսանում է Հայկական Կարմիր խաչի ընկերության (ՀԿԽԸ) լիդեր-կամավոր։
«Համայնքային զարգացում» ՀԿ-ի թիմին միացել է 2023 թվականին։

Լիլիթ Ներսիսյանը «Համայնքային զարգացում» ՀԿ-ին միացել է 2011 թվականին և ունի ավելի քան տասնհինգ տարվա աշխատանքային փորձ ֆինանսական ոլորտում։ Նա ունի Ֆինանսների կառավարում որակավորմամբ բակալավրի աստիճան, ինչպես նաև տնտեսագետի մագիստրոսի աստիճան։

Դիաննա Ստեփանյանը սովորել է ՀՊՏՀ Եղեգնաձորի մասնաճյուղում՝ «Կառավարում» մասնագիտությամբ։ Դիաննան Ջերմուկ քաղաքից է։ «Ջերմուկի Երիտասարդական Կենտրոն»-ում հանդես է գալիս որպես համակարգող, ներգրավված է բազմաթիվ կամավորական աշխատանքներում։
Նա մասնակցել է նաև «Համայնքային զարգացում» ՀԿ-ի կողմից կազմակերպված աշխատանքային պրակտիկային՝ հաշվապահության բաժնում:
Դիաննան «Համայնքային զարգացում» ՀԿ-ի թիմին է միացել 2021 թվականի սեպտեմբերից:

Եվա Գալստյանն աշխատում է «Համայնքային զարգացում» ՀԿ-ում 2018 թվականի հունիսից: Նա մասնակցել է ֆինանսական ոլորտում իրականացված մի շարք սեմինարների: Տիրապետում է ՀԾ հաշվապահահական ծրագրին: Ավարտել է Հայաստանի պետական տնտեսագիտական  համալսարանը, ունի բակալավրի աստիճան՝ բիզնես կազմակերպում որակավորմամբ:

Արմեն Ադամյանը տեխնիկական աջակցություն է ցուցաբերում «Համայնքային զարգացում» ՀԿ-ին և զբաղվում է կազմակերպության մարքեթինգի համակարգմամբ։ Նա ունի աշխատանքային փորձ գյուղատնտեսության ոլորտում։ Արմենը ավարտել է Գիտելիք համալսարանը՝ ստանալով բակալավրի աստիճան ֆինանսներ մասնագիտացմամբ։

Անահիտ Եղիազարյան, Ջերմուկի համայնքային կենտրոնի համակարգող: Անահիտ Եղիազարյանն ունի աշխատանքային փորձ համայնքային զարգացման ծրագրերում: Աշխատում է Սյունիք-Զարգացում ՀԿ-ում 2011 թվականի հոկտեմբերից: Ավարտել է Գիտելիք համալսարանը, ունի բակալավրի աստիճան՝ բանասերի որակավորմամբ: Նա ավարտել է նաև Հայաստանի Ամերիկյան Համալսարանի հավաստագիր շնորհող տուրիզմի և հյուրընկալության կառավարման ծրագիրը: